La Sai Prezidenti Republika, Serve Familia Dalan Ikus ba Lere Anan Timur

DILI, www.news-viptv.com – Xefe Estadu Maior FALINTIL – Forsa Defesa Timor-Leste (F-FDTL), Tenente General Lere Anan Timur hili dalan ba vida sivil hodi serve familia karik la sai Prezidenti Republika.

Tanente Jeneral Lere Anan Timur hato’o lia hirak ne’e ba jornalista hafoin selebra loron aniversariu Komponente Naval iha Hera, Kuarta liu ba.

Jeneral fitun tolu ne’e mos afirma, iha 2027, nia sei hamrik hodi apoiu jerasaun joventude ida ba prezidenti republika.