Komunidade Suku Kuluhun la asesu Be’e Mos, Komisaun G PN Bolu SEEAS

DILI, www.news-viptv.com – Relasiona ho keixa ne’ ebe hato’o hosi komunidade iha Suku Kuluhun, Postu Administrativu Cristo Rei, Munisipiu Dili, Komisaun G Parlamentu Nasional (PN) bolu ona Sekretariu Estadu Eletresidade, Agua no Saneamentu (SEEAS), Santos Noronha.

“Inkontru ohin hodi informa informasaun sobre bee mos ba komunidade hirak ne’ebe seidauk hetan be’e mos, liuliu iha aldeia rua ne’ebe nunka hetan be’e mos to’o agora,” dehan Santos Noronha ba jornalista sira hafoin inkontru ho Komisaun G, Kuarta (2/08/2023).

Ho keixa ne’e, Sekretraiu estadu ne’e orienta ona empreza publiku Be’e Timor-Leste (BTL, EP) ne’e responsabiliza ba servisu fornesementu be’e mos nian hodi haruka nia tekniku identifika fatin sira ne’ebe maka sedauk hetan be’e mos ne’e.

Problema distribuisaun be’e mos, esplika membru governu ne’e, bele hateten falta mos konsiensia hosi komunidade sira tamba sira ne’ebe hela besik lina transmisaun ba be’e mos halo perfurasaun privado, entaun bee ne’ebe oferese ba tanke distribuisaun nia debito ne’e labele distribui ba komunidade sira seluk.

Tamba atu resolve problema be’e mos iha Timor-Leste, nia esplika, BTL, EP sei servisu hamutuk ho Banku Mundial ne’ebe iha projetu rua hodi hare iha parte leste no oeste ba distirbuisaun be’e mos ba komunidade.

Audiénsia ne’ebé lidera husi Prezidente Komisaun E, Deputadu Marcos Xavier, ne’e halo relasiona ho keixa husi komunidade sira iha Suku Kuluhun, Munisípiu Díli ba Deputadu sira liuliu Komisaun E iha semana kotuk. Durante audiénsia, Sekretáriu Estadu hamutuk ho nia ekipa halo justifikasaun liga ba preokupasaun komunidade sira nian iha área bee no saneamentu inklui eletrisidade.

Deputadu sira sujere ba Governu atu kontinua responde ka rezolve preokupasaun povu nian kona-ba infraestrutura liuliu bee moos, eletrisidade, no seluk tan

BTL, E.P. mak kompañia utilidade públiku ida-ne’ebé foin lalais ne’e estabelese husi Governu Timor-Leste liuhusi Dekretu-Lei n.o. 41/2020.