Komunidade Musulmanu Timor-Leste Selebra Loron Idul Fitri

DILI, www.news-viptv.com – Komunidade musulmanu Timor-Leste no estranjeiru sira selebra loron Idul Fitri ho reza hamutuk iha Mesquita An-Nur Kampung Alor Dili, Kuarta (10/4/2024).

Selebrasaun loron Idul Fitri 1 Syawal 1445 Hijria tuir kalendariu Islam hahu ho sholat ied hamutuk.

Prezidenti Konsellu Kurador Mesjid An-Nur, Haji Abdullah Said Sagran hateten selebrasaun Idul Fitri hanesan loron vitoria ba komunidade musulmanu hotu iha mundu hafoin halo jejum loron 40 hodi hakbesik an ba Maromak.

Aliyah Al Rafi nu’udar musulmana hosi Indonezia senti kontenti bele selebra hamutuk ho nia familia iha Timor-Leste.

Islam nu’udar relijiaun ida ne’ebe hetan rekonesementu hosi Governu Timor-Leste nu’udar relijiaun ida hosi relijiaun seluk ne’ebe iha Timor-Leste hanesan, Katolika, Kristaun-Protestante, Budha, Hindu no Konghucu.