Komunidade Atauro Husu Governu Hari’i Ponte ba Estasaun Bero

  • Share

DILI, www.news-viptv.com – Transporte Maritima kontinua sai preokupsaun principal Komunidade Atauro wainhira halo movimentu ba mai Atauro Dili.

Alende paradeiro ba be-ro sira ne’ebe durante ne’e laiha, sai mos preokupasaun ida tamba wainhira atu sa’e ba be-ro ne’e komunidade tenki habokon an hodi tama ba tasi laran.

banner 336x280

Ho preokupasaun hirak ne’e,  Antero Baptista nudar komunidade Munisipiu Atauro husu ba governu atu halo ponte ba estasaun bero sira ne’ebe durante ne’e mos sai transporte alternativa seluk ba komunidade Atauro iha Maritima nian.

Nune’e mos Kudus Fernandes husu ba governu atu bele re-ativa hikas operasaun ro Nakroma ne’ebe durante ne’e sai transporte principal ba Komunidade Atauro no mos Oekussi, tamba desde la opera tinan ida fo impaktu tebes ba movimentu komunidade sira hosi Dili ba Atauro no Atauro mai Dili, inklui hatun rendementu negosiante kiik sira iha Atauro rasik.

Desde Janieiru 2022, Oitavu Governu lideradu hosi Primeiru Ministru Taur Matak Ruak implementa ona Atauro nudar munisipiu foun iha Timor-Leste.

Tinan barak komunidade Atauro preokupa teb-tebes ho transporte maritima no laiha ponti hodi sai fatin paradeiro ba bero sira, inklui estrada, be mos no eletrisidade sai mos problema boot iha ilha ida ne’e.

Reporter: Gantry Meilana  I  Cameraman: Justinho Mendonca

  • Share

Leave a Reply

Your email address will not be published. Required fields are marked *