Komemora Loron Aniversariu Proklamasaun Independensia ba dala 49, PM Xanana Husu Juventude Unido no Rona Malu

DILI, www.news-viptv.com – Prezensa delegasaun Indonesia ne’ebe reprezenta Presidente Republika Indonesia, Prabowo Subianto ho mos Jeneral Wiranto, tuir Primeiru-Ministru Xanana Gusmao nu’udar konfiansa ida husi Indonesia ne’ebe rekonese Timor-Leste nian dezisaun ne’ebe hakarak kria amizade no kooperasaun hodi hamutuk dezemvolve rai no povu Timor-Leste.

PM Xanana hateten lia hirak ne’e hafoin partisipa seremonia ba komemorasaun loron aniversariu proklamasaun independensia ba dala 49 iha area Prizaun Becora Dili, loron 28 Novembru.

Eis Komandante FALINTIL ne’e husu ba jovemtude Timor-Leste atu unido no lalika rona lia fuan ne’ebe hakarak fahe Timoroan sira.

Iha seremonia ne’e, Vise Primeiru Ministru no Ministru Koordenador Assuntu Sosial, Mariano Assanami Sabino maka sai inspetur seremonia akompana Prezidenti Autoridade Munisipiu Dili, Gregorio Moris Saldanha.