Koalia Ro Haksolok, Alkatiri: To´o Kampana Mak Hau Hatan

  • Share

DILI, www.news-viptv.com – Relasiona ho Ro Haksolok ne´ebe sedauk to´o iha Timor-Leste, eis Primeiru Ministru Mari Alkatiri deklara wainhira to´o kampana ema koalia nia sei hatan.

Ro Haksolok ne´ebe lansa no husik ona ba tasi laran hodi prepara viagem mai Timor-Leste- Photo: Doc ZEESM

“Ne´e investimentu primeiru Timor nian iha Europeia, iha rai liur hau lakoi kompleta tan to´o kampania ema kolia mak hau hatan,” dehan Mari Alkatiri ba jornalista sira hafoin hasoru malu ho Prezidenti Republika, Tersa (9/8/2022), iha Palasiu Prezidensial Bairo Pite, Dili.

banner 336x280

Mari Alkatiri esklarese, Ro Haksolok dadauk ne´e rezolvidu hotu ona no agora dadauk Timor-Leste nian ona no prontu lori mai Timor-Leste.

“Seidauk iha serteja ba ro Haksolok ? se mak dehan laiha, Ro haksolok ne´e agora ita nian ona. 95% empreza ne´e Timor nia investimento ona iha estaleiros entaun ro ita nian ona. falta deit agora ami hadia kondisoes halo ro ne´e to pronto lori mai. Kondisaun maka ne´e, kondisaun maka fiskalizasaun tenki iha, para ro ne´e atu hahu. Fiar katak problema hotu-hotu rezolvidu ona,” nia esplika.

Nia mos esplika razaun Ro Haksolok sedauk to´o iha Timor-Leste tambá lakohi akontese hanesan ro sira ne´ebe dadauk ne´e dodok no at iha Hera.

Ro Haksolok governu sosa ho valor miliaun dólares sanulu resin tolu pontu hitu hosi kompana Eagle Atlantik Sip Building no lansa ona ba tasi laran iha loron 26 Maiu 2017 hosi eis Prezidenti ZEEMS, Mari Alkatiri iha Sidade Figuera da Foz, Portugal no wainhira husik Ro Haksolok ba tasi, ro ne´e momento ne´eba informa sei to´o iha Outubru 2017.

Iha lansamentu Ro Haksolok, Dom Carlos Filipe Ximenes Belo no Madre Guelerminha sai aman no inan sarani ba ro haksolok no hola prezensa mos eis Ministru Transporte no Komunikasaun, Inacio Moreira

Ro ne´e ho kapasidade tula pasanjeiru hamutuk ema nain 377 no kareta hamutuk 22 halo ho nia naruk hitu nolu pontu tolu nolu metru no luan sanulu resin rua pontu nen nolu metru

  • Share

Leave a Reply

Your email address will not be published. Required fields are marked *

error: Content is protected !!