Investimentu Kapital Group, Sei Rekruta Timoroan 150 ba Servisu

DILI, www.news-viptv.com – Empreza Capital Group Timor-Leste sei rekruta Timoroan nain 150 hodi servisu ba kompana foun ida ne’e.

Xefi Operasaun Capital Group Timor-Leste, Antonio Sampaio hateten lia hirak ne’e ba jornalista sira hafoin lori dirijenti Capital Group ba hasoru Primeiru Ministru Xanana Gusmao, Sexta (22/3/2024), iha Palacio do Governo.

Sampaio esplika ida ne’e hanesan projetu boot dahuluk iha Timor-Leste ne’ebé foka liu ba ekonomia dijitál no buka atu fó servisu no formasaun ba Timor-oan barak. Empreza balun, iha setór oin-oin, hatudu ona interese atu uza BPO ou (Outsourcing Prosesu Negósiu), foun ne’ebé sei signifika katak sei kria tan empregu iha tinan ida-ne’e, tanba projetu ne’e aumenta.

Grupu kandidatu sira ne’ebé selesionadu ikus sei tuir formasaun durante semana balun ne’ebé inklui lian, abilidade servisu jerál no formasaun operasionál espesializada.