Investe Fora Mina no Gas, Timor Resources “Hanoin” Harii Fabrika Bo´ot

  • Share
Jerente Nasional Timor Resources, Filomeno Andrande wainhira hasoru malu ho Primeiru-Ministru Taur Matan Ruak hodi atualiza atividade sira nia kompana iha Timor-Leste iha investimentu mina no gas. Photo: Media GPM

DILI, www.news-viptv.com – Fora hosi nia atividade mina no gas, Kompana Timor Resources iha hanoin hodi harií fabrika bo´ot iha Timor-Leste.

Jerente Nasional Timor Resources, Filomeno Andrade esklarese, hanoin hari´i fabrika iha Timor-Leste ne´e nia hato´o ba Primeiru-Ministru Taur Matan Ruak, Tersa (13/9/2022) wainhira hasoru malu ho xefi governu ne´e iha Rezidensia Ofisíal PM, Faról, Dili.

banner 336x280

Filomeno esklarese, objetivu ni ahasori malu ho xefi governu ne´e hodi informa programa CEO Timor Resources, Sullen Osborne, mai Timor-Leste hodi ko’alia kona-ba aktividade esplorasaun ba mina iha rai maran no perspektiva ba oin karik bele harii fabrika hodi fó serbisu ba timoroan sira.

“Tamba kompana nain senora Sullen Osborne nee nain ba kompana bo´ot iha Australia ne´ebe iha facilidade barak sobre fabrikasaun manutensaun iha área mina nian nomos ami haree oportunidade nee diak atu senora Sullen mai hato´o karik intensaun katak atividade Timor Resources iha planu ba oin no perspektiva saide deit maka ita nia nasaun ka ita nia governu persiza apoiu,” dehan Filomeno ba jornalista sira.

Nia fo izemplu, hanesan kadoras fabrikasaun. Karik bele kompana mai harii fabrika ida nee hodi fo oportunidade ba ita-nia alin oan sira karik aprende duke lo fabrikasaun sira nee hosi liur, nee persfektiva ida deit mai fo hanoin ba sua eselensia karik iha preokupasaun ruma karik aban bairua halao kadoras ka atividade sira seluk karik senora Sullen nee iha potensialidade makas ho mos Timor Resources hatudu tiha on aba tempu liu ba kotuk nee ho Covid, investidor sira seluk fila ba sira nia rain, Timor Resources servisu iha nee nafatin,” nia dehan.

Iha parte seluk Filomeno mos informa katak iha semana oin Timor Resources sei halo terseiru perfurasaun.

“Ami informa prosesu sira ba atividade Timor Resources halo, iha setór ida bolu konteudu lokál iha ida ne’e nian mak hanesan partisipasaun timoroan sira nia iha aktividade ida ne’e, ezemplu mak bainhira hala’o teste 97% ema ne’ebé ké serbisu ne’e timoroan iha Suai, iha Manufahi 98% no oras ne’e dadaun mós timoroan sira serbisu ho internasionál sira ne’e, to’o iha situasaun ida ita bele hateten katak timoroan sira barak ho didikasaun esforsu ne’ebé sira halo serbisu ho perspektiva ida ne’e karik ita la’o ba oin, karik iha mina matan sira atu perfurasaun ba aban bainrua ne’e partisipasaun internasionál bele hatun liutan bele to’o pontu ida timoroan rasik mak kaer aktividade perfurasaun mina iha ita-nia rain,” nia dehan.

  • Share

Leave a Reply

Your email address will not be published. Required fields are marked *

error: Content is protected !!