Inundasaun Manufahi ho Covalima, APC Realoka Ona Vitima ba Hela Fatin

DILI, www.news-viptv.com  – Komunidade sira husi Munisipiu Manufahi no Covalima ne’ebe sai vitima ba inundasaun ou be sa’e tamba udan ne’ebe akontese, Autoridade Protesaun Civil (APC) hamutuk ho Autoridade Munisipiu sira realoka ona ba sira nia hela fatin.

Porta-Voz APC, João Filipe iha konferensia imprensa hateten, husi total dezastre ne’ebe mosu durante semana ida kotuk liu ba hamutuk iha numeru familia 712 maka sai vitima ba dezastre.

Ho dezastre naturais ne’ebe sempre akontese, APC apela nafatin ba komunidade sira atu hadok an husi fatin ne’ebe mak risku liu liu mak sira ne’ebe hela iha mota ninin, no foho lolon.