Inundasaun iha Covalima no Manufahi Estraga Uma Komunidade 207

DILI, www.news-viptv.com – Uma 171 iha Munisipiu Covalima no Uma 36 iha Munisipiu Manufahi hetan estragus hafoin inundasaun ne’ebe akontese iha munisipiu rua refere.

Uma komunidade nian iha munisipiu rua ne’ebe hetan estragus ne’e relata husi Autoridade Protesaun Sivil (APC) iha atualizasaun dadus ne’ebe fo sai iha konferensia imprensa Segunda, (03/6/2024), iha Salaun APC Caikoli, Dili.

Ho uma iha munisipiu rua refere, Porta-Voz APV, Nelson Orleans informa iha period 27 Maiu to’o 3 Junu 2024, CNOPC-APC rejistu uma kain hamutuk 225 maka hetan estragus no total numeru familia afeitadus hamutuk 323.

Vitima sira, APC fo apoia ona emerjensia no ba uma ne’ebe hetan estragus ekipa verifikasaun sei tun ba terreni hodi halo verikasaun nune’e bele hetan apoia ba material konstrusaun nian tuir lei.