DILI, www.news-viptv.com – Konfederasaun Desportu Timor-Leste (CDTL) husu ba governu atu investe barak liu tan fasilidade baziku ba desportu nian hodi hasa’e tan prestasaun ba atleta sira.
Prezidenti CDTL, Macario F. Sanches hafoin hasoru malu ho Primeiru Ministru, Taur Matan ruak hamutuk ho nia estrutura esplika asuntu fasilidade baziku desportu nian ne’e hetan resposta pozitivu hosi xefi governu no governu sei tau asuntu ne’e ba planu governu nian.
Ema numeru ida iha CDTL ne’e mos afirma parte CDTL sei diskuti bebeik ho Sekretaria Estadu Joventude no Desportu nudar instituisaun governu ne’ebe toma konta ba politika dezemvolvimentu desportu nian, liliu iha prestasaun atleta nian wainhira reprezenta Timor-Leste ba kampionatu internasional sira.
Foin lais ne’e atleta Timor-Leste iha SEA Games Vietnam konsege hetan medalla osan mutin 3 no osan metan 2 liu hosi modalidade atletismu, boxe no taekwondo.
Reporter: Natalina Martins I Cameraman: Leonito de Fatima