Hafasil Votasaun ba Prezidenti KAK iha PN, Governo sei Altera Lei KAK

DILI, www.news-viptv.com – Hare’e ba partidu opozisaun FRETILIN ne’ebe la kolabora ba eleisaun Prezidenti Komisaun Anti Korrupsaun iha Parlamentu Nasional hodi la partisipa iha prosesu eleisaun no fo impaktu ba kriteria votasaun nian, Governo sei koalia ho Parlamentu Nasional hodi altera lei refere.

Situasaun ne’e Primeiru Ministru Xanana Gusmão hato’o ona ba Prezidenti Republika Jose Ramos Horta iha nia inkontru regular, Kinta (21/3/2024), iha Palasiu Prezidente Nicolau Lobato, Dili.

Alende ne’e, xefi governu ho xefi estadu mos koalia kona ba assuntu indultu ne’ebe prezidenti republika hanoin atu fo ba prizineiro sira ne’ebe iha komportamento diak durante kumpri sira nia pena iha prizaun laran.