Governu Uza Ona Doze Vasina 386,805 ba Imunizasaun COVID-19

VIPTV, DILI – Timor-Leste iha Programa imunizasaun COVID-19 uza ona doze vasina 386,805 ba ema sira ne’ebe simu ona vasina.

Tuir publikasaun Ministeriu Saude nian hamutuk Organizasaun Saude Mundial (OMS) iha 31 Jullu 2021, ho numeru ne’e signifika 38,2 % doze vasina mak governu uza ona iha Timor-Leste tomak.

Iha imunizasaun COVID-19 ne’e, Governu Timor-Leste desidi uza Vasina AstraZeneca ho Sinovac.

Hosi numeru 386,805, hamutuk ema nain 288,483 maka rejistradu ba doze dahuluk no 98,322 ba doze daruak nian.

Ba Vasina AstraZeneca, hamutuk ema nain 253,986 maka simu iha doze dahuluk no nain 80,714 iha doze daruak.

Entertante ba Vasina Sinovac nian, ba doze dahuluk hamutuk ema nain 34,497 no ema nain 17,608 iha doze daruak.

Dadauk ne’e, Timor-Leste rejista kazu konfirmadu hamutuk 10,744 (dadus 31 Jullu 2021, oras 10.00 OTL), 9,848 maka rekopera ona no ema nain 26 maka mate.