Governu: UPM Iha Papel no Misaun Importante ba Seguransa Maritima

DILI, www.news-viptv.com – Polisia Nasional Timor-Leste (PNTL) selebra loron aniversariu tinan 21 ba Unidade Polisia Maritima (UPM) ne’ebe komemora iha Kuartel UPM, Segunda (27/5/2024).

Hare ba papel importante UPM nian, Ministru Interior Francisco Guterres hateten, governu sei persiza nafatin UPM hodi halo seguransa ba soberania tasi Timor-Leste nian, inklui halo prevensaun iha tasi liu husi kontrolu efetivu, no oinsa kombate aktividade ilegais sira.

Ho aniversariu Unidade Polisia Maritima nian ba tinan 21, Segundu Komandante PNTL, Komisariu Pedro Belo husu ba governu atu bele aumenta rekursu umanu ba unidade ne’e hodi bele halao nia misaun, inklui aumenta ekipamentu no ro’o ahi ba patrullamentu nain.

Hare ba papel no misaun Unidade Polisia Maritima, Superintendente Polisia Eugenio Pereira hateten, unidade ne’e pronto sai mahon iha Tasi Timor-Leste nian.