Governu Sei Rehabilita Ponte 20

DILI, www.news-viptv.com – IX Governu Konstitusional liu hosi Ministeriu Obras Publiku sei rehabilita ponte 20 iha teritoriu Timor-Leste tomak ne’ebe dadauk ne’e persiza hadia.

Vise-Ministro para as Infraestruturas, Júlio do Carmo informa katak, ponte 20 ne’ebe tama ona lista rehabilitasaun dadauk ne’e iha ona prosesu tender nia laran.

“Iha Timor-Leste ponte barak-barak tebes no barak mak ita foti ona hodi halo estudu no agora daudaun faze tender ne’e besik rua nulu mak balun ami haruka ona foti dadus maibe ponte boot remata ona hein prosesu tenderizasaun hotu hahu konstrusaun,” Júlio do Carmo ba VIP TV, Kinta (29/02/2024), iha Timor Plaza, Dili.

Ba montante orsamentu, nia labele fo sai, maibe garante katak ekipa aprovisionamentu sei halo selesaun diak ba empreza ne’ebe sei kaer obra refere.