Governu Gasta ona Osan Biliaun US$ 1.3 Selu Veteranu Sira

DILI , www.news-viptv.com  – Governu Timor-Leste hahu permeiru rejistu ba veteranu sira, gasta ona osan biliaun US$ 1.3 hodi selu veteranu sira.

Ministru Asuntus Kombatentes Libertasaun Nasionál, Gil Da Costa Monteiro “Oan Soru” iha programa meet the press ne’ebe realiza husi Sekretaria Estado Komunikasaun Sosial (SEKOMS) informa mos ba tinan 2025, Governu prepara ona osan dolares amerikanu miliaun sia nolu resin sia hodi selu ba veteran sira ne’ebe hetan ona rekonesementu.

Kona ba lista ne’ebe publika sai ona, membru governu ne’e rekonese katak mosu duni reklamasaun no lamentasaun ba lista veteran sira ne’ebe balun iha tempu resistensia hola parte Indonezia nian hodi kontra ba luta ba ukun rasik an.

Ba veteranus sira ne’ebe naran la sai, Oan Soru esplika, tamba pessoal refere la halo verifikasaun iha tempu publika sai sira nia naran, nune’e mos ba sira ne’ebe laiha naran iha verifikasaun nian, tamba la ba rejistu.

Governu, nia esplika, kontinua fo rekonesementu ba vetaranu sira tui lei ne’ebe vigor iha Timor-Leste no husu ba sira ne’ebe tribunal desidi ona tamba halo falsifikasaun dokumentus atu fo fila osan ba kofre estadu.

Programa Meet the press ne’e lidera dereta husi Sekretariu estadu Komunikasuan Sosial, Expedito Dias Ximenes iha salaun PCM, Palasiu do Governo, Dili.