banner 1000x250

Governu Desmente Kuantidade Kombustivel Menus

  • Share
PM Taur Matan Ruak. Photo: Media PR
banner 728x90

DILI, www.news-viptv.com – Governu desmente no konsidera informasaun ne´ebe dehan kuantidade kombustivel iha Timor-Leste menus ne´e boatus.

Primeiru Ministru Taur Matan Ruak hato´o kestaun ne´e ba jornalista sira hafoin halo inkontru semanal ho Prezidenti Republika Jose Ramos-Horta, Kinta (28/7/2022), iha Palasiu Prezidensial Bairo Pite, Dili.

banner 1000x250

“Hau apela ba populasaun lalika paniku,” dehan PM Taur.

Xefi Governu mos esplika, nia mos simu ona informasaun hosi Ministeriu Petroleu no Rekursu Minerais katak dadauk ne´e empresa mina Indonesia, PERTAMINA nia ro´o lori hela 4 miloens litrus mina (gazoel no gasolina).

Iha nia komunikadu imprensa, Autoridade Nacional do Petróleo no Minerais (ANPM), desmente kuantidade kombustivel menus iha Timor Leste.

“ANPM hakarak informa ba publiku katak fornesementu (Stock) kombustivel (Gazolina no Gazoleo) iha armazen bo’ot rua hanesan Pertamina International Timor (PITSA) iha Praia dos Coqueiros no Esperanca Timor Oan (ETO) iha Hera sufisiente hela hodi bele atende nesesidade konsumidores iha Timor laran tomak,” hakerek komunikadu ne´e.

ANPM mos hakarak informa katak oras ne’e dadaun Ró tula kombustivel atraka ona iha Ponte Kais Armanezen Kompañia PITSA nian no sei halo deskaregamanetu ohin loron kuantidade Gazolina hamutuk litru tokon 2 resin (2.494.372 litru) no Gazoleo tokon 1 resin (1.632.203 litru). Enkuantu ANPM sei konfirma kuantidade kombustivel iha Armazen Kompañia ETO nian, maske nune’e, kompania ETO fo sai ona iha sira nia pagina media social katak sira iha reserva kuantidade nebe sufisiente.

Kompania PITSA no ETO hanesan distributor bo’ot rua iha Timor Leste sempre importa kombustivel tuir kalendariu importasaun nomos depende ba nesesidade iha rai laran. To’o agora laiha interupsaun ba kalendariu importasaun kombustivel.

Ho nune’e ANPM apela ba publiku katak atu la presiza paniku ho rumores ka boatus kona-ba kombustivel menus iha armazen ho retallu sira. Ho kolaborasaun diak tomak hamutuk ho importadores ho postu abatesementu kombustivel sira hotu ANPM sei garantia distribuisaun kombustivel iha merkadu ho efetivu no efikas.

  • Share

Leave a Reply

Your email address will not be published. Required fields are marked *

error: Content is protected !!