Governu Aloka USD 121,9 Milliaun ba Programa 802 Eletrisidade

DILI, www.news-.viptv.com – Konsellu Ministrus delibera hodi autoriza despeza ho valór USD 121,9 Milliaun ba transferénsia fundu husi Orsamentu Jerál Estadu ba EDTL, EP, iha ámbitu programa “802 Eletrisidade”, ho objetivu atu asegura servisu fornesimentu eletrisidade públiku.

Projetu “802 Eletrisidade” ne’e aprezenta husi Ministru Obras Públikas, Samuel Marçal ne’ebe aprova iha sorumutu Konsellu Ministru, Kuarta (11/2/2026).

Alende ne’e, Konsellu Ministrus delibera hodi autoriza despeza no abertura prosesu aprovizionamentu ba konstrusaun sistema abastesimentu bee moos iha Baukau, projetu estruturante ne’e ho objetivu atu garante fornesimentu bee ne’ebé regulár no seguru ne’ebé apropriadu ba konsumu umanu ba populasaun iha munisípiu refere.

Projetu ne’e, bazeia ba estudu tékniku ne’ebé  molok ne’e hetan ona validasaun, sei iha investimentu ida ne’ebé prevee besik USD 23,4 Milliaun ho objetivu atu hadi’a kondisaun saúde públika no kualidade moris komunidade lokál sira nian.