Governo Lansa Portal Informasaun Komersiu Timor-Leste

DILI, www.news-viptv.com – Ministeriu Komersiu no Industria officialmente lansa portal offsial komersiu Timor-Leste nian hodi atrai investor sira no garantia negosiu ne’ebe saudável iha Timor Leste, Kinta (11/04/2024), iha Salaun Multiuso, Dili.

Portal ne’e lansa dereta husi Vice Primeiro Ministro no Ministro Koordenador Asuntus Económicos no Ministro Turismo no Ambiente, Franscisco Calbuadi Lay hamutuk Ministro Komércio no Industria Nino Pereira, Representante Banku Mundial iha Timor Leste Bernard Harbone, no membru parseiru industriais sira.

Ministro Comércio no Industria Nino Pereira hateten portal ne’e importante tamba sei sai fontes official governu nian ba lei no regulamentu sira relasiona ho atividade komersiu.

Portal ne’e mos hanesan parte ida Timor-Leste nia komitmentu hafoin adere ba Organizasaun Mundial Komersiu nu’udar nasaun membru ida.