DILI, news-viptv.com – FC. São Jose tenki monu ain ba FC. Nain-Feto, hafoin Golu Quattrick Natalia Carvalho lori nia ekipa manan 5-1, Sabadu (21/8/2021) dader iha Estadiu Municipal Dili.
Golu Natalia nian ne’e nia halo iha minutu 14’, 31’, 72’ no 80’ no Leticia Soares mos lori nia naran hakerek iha lista jogador ne’ebe halo golu iha minutu 54’.
Entertantu, golu São Jose nian hatama liu hosi golu Maria Lucia 19’.
Maski hetan vitoria bo’ot, iha jornada dahuluk, FC. Nain-Feto tenki simu iha pozisaun daruak. Pozisaun dahuluk okupa hosi AF. Baucau ne’ebe manan bo’ot FC. UNITAL.
No FC. VDL ne’ebe manan FC. Maudoko 2-0 tenki satisfas iha pozisaun datoluk.