Golu Lexi Atok, Lori Ultramar Manan Nagardjo 3-2

DILI, www.news-viptv.com – Atletico Ultramar iha nia jogu daruak hetan pontu 3 hafoin golu Lexi Atok iha minutu 88, lori nia klubu manan Nagardjo 3-2, iha jogu ne’ebe halao iha Kampu FFTL, Dili, Kuarta (20/10/2021).

Atletico Ultramar lidera uluk jogu ne’e liu hosi golu Florindo Soares iha Minutu 24, maibe Nagradjo iha minutu 29 konsege halo jogu sai empata liu hosi golu Jorge Silva.

Juliao Ximenes aumenta tan golu Nagrdjo iha minutu 46 hodi halo skoru muda ba 1-2.

Hafoin golu ne’e, jogador ekipa rua kontinua halo ataka ba malu no iha minutu 81, jogador suplente Atletico Ultramar Arsenio Amaral halo joga empata 2-2.

Ho Vitoria ne’e Atletico Ultramar ne’ebe lidera hosi treinador Moises da Silva lidera Klasifikasaun Provizoriu Grupu B nian ho pontu 4.