Gabinete PR Entrega Uma Mahon ba Feto Faluk ho Oan Kiak Nain 7 iha Suku Dotik

Manufahi, www.news-viptv.com – Presidensia Republika liu hosi Assesor Sosiedade Sivíl Quintiliano Moniz Carvalho, entrega uma Mahon ida kompletu ho sasan uma laran ba Feto Faluk ho Oan Kiak nain 7 iha Suku Dotik, Aldea Webere, Posto Administrativu Alas, Munisipiu Manufahi, Segunda (28/4/2025).

Objektivu hosi aktividade ida ne’e mai ho simbolu rua mak hanesan, “Oferese mahon ho dignidade no hari sira-nia esperansa no Hamutuk ho Prezidente Republika (PR), Jose Ramos-Horta hodi Haroman Kbi’it Naton sira ho esperansa.

Alende oferese uma mahon, fahe mos sasan ba kbiit laek sira hamutu xefi familia 81 iha suku hanesan ne’ebe hetan apoia husi Korea ho Fundasaun Nipon, inklui material desportu ne’ebe fahe ba joventude sira.

Xefi Suku Dotik, Adelino da Costa Amaral agradese tebes ba apoia husi Prezidenti Republika nian ba nia komunidade, no espera bele apoia tan ba komunidade seluk ne’ebe laiha kbiit hanesan.

Oan husi benefisariu ne’ebe simu apoia ne’e senti kontente no agradese ba apoia ne’ebe fo ba sira husi prezidenti republika.