Fiar Metin Manan Luolo ho Horta, Lere: Hau Sei Marka Diferensa

MANATUTO, www.news-viptv.com – Kandidatu Prezidenti Republika, Jeneral reformadu Lere Anan Timur iha nia kampana prezidensial deklara sei sai prezidenti republika ne’ebe marka diferensa.

Ba eleitor Munisipiu Manatuto sira, Lere husu atu vota ba nia tamba ho moto Marka Diferensa nia sei sai duni prezidenti ne’ebe diferenti hosi prezidenti republika sel-seluk ne’ebe liu ona no sei hametin nafatin ordem konstitusional wainhira asumi kargu prezidenti republika hodi tau metin nafatin unidade nasional, paz no dezemvolvimentu.

Iha nia kampana loron dahuluk nian ne’ebe realiza iha Manatuto, jeneral fitun tolu ne’e fiar metin sei manan kandidatu Francisco Guterres LuOlo ho Ramos Horta.

Iha nia kampana, jeneral fitun tolu ne’e kontinua afirma nia an laos FRETILIN 2000, maibe FRETILIN ne’ebe mai kedan iha 1975 ne’ebe nudar membru Comite Sentral FRETILIN segundu jerasaun.

Tun uza boina mean ho farad FALINTIL, kandidatu PR numeru 8 ne’e hetan akompana hosi nia kompatriota luta nain Cornelio Gama alias L-7 no hetan suporta hosi militante FRETILIN ho PLP

Hosi Manatuto, Leonito de Fatima VIP TV