FFTL Muda Orariu ba Segundu Divisaun LTFF 2021

DILI, news-viptv.com – Federasaun Futebol de Timor-Leste (FFTL) muda ona orariu jogu ba Segunda Divisaun Liga Timorense de Futebol Femenino (FTFF)epoka 2021 relasiona ho implementasaun Konfinamentu Domisiliariu Jeral iha Kapital Dili ne’ebe hahu Sexta (27/8) to’o Kinta (2/9).

“Relasiona ho konfinamentu domisiliariu jeral, FFTL mos sei la foti risku hodi muda fali orariu ba jogu segunda divisaun to’o konfinamentu remata,” dehan Frederico Martins ba Jornalista sira iha konferensia imprensa ne’ebe halao iha Sede FFTL, Kinta (26/8/2021).

LTFF epoka 2021 hahu ona nia abertura iha 19 Agostu ba Segunda Devisaun no 21 Agostu ba Primeira Divisaun.

Segunda Divisaun tuir orariu sei kontinua joga ba jornada daruak ho jogu FC. São Jose vs FC. UNITAL iha Sexta (27/8), AF. Baucau vs FC. VDL (Sabadu, 28/8) no FC. Nain Feto vs FC. Maudoko (Domingu, 29/8).

Iha jornada dahuluk, FC. VDL konsege manan FC. Maudoko ho skoru 2-0. Entertantu iha jogu seluk, AF. Baucau manan bo’ot nia adversariu, FC. UNITAL ho golu 6-0 no FC. Nain-Feto konsege halakon FC. São Jose ho golu 5-1.