Eleitu ba PR, UMDP Liberta Ramos Horta hosi Kargu Prezidenti

DILI, www.news-viptv.com – Organizasau massa politika, Uniao Movimentu Demokratiku no Patrotika liberta ona Jose Ramos Horta hosi kargu Prezidenti UMDP nian.

Libertasaun kargu prezidenti Jose Ramos Horta nian ne’e deklara hosi vise prezidneti UMDP, Avelino Coelho liu hosi inkontru ida ne’ebe realiza, Sabadu (14/5/2022), iha Hudi-Laran, Dili.

Razaun UMDP liberta Ramos Horta nia kargu ne’e, tamba hahu 20 Maiu 2022, Jose Ramos Horta sei asumi nia knar nudar prezidenti republika ba period 2022-2027.

Iha nia despedida, Jose Ramos Horta enkoraja nafatin atu UMDP kontinua nia misaun no servisu makas liu tan hodi atinji sira nia mehi no programa neebe trasa ona.

Nia sei konsulta nafatin ho estrutura UMDP ba programa balun, no sei kontinua hamutuk barak liu ho Xanana Gusmao nudar lider nasioonal ne’ebe kontinua reorganiza funu libertasaun to’o Timor-Leste hetan nia independensia.

Reporter: Leonito de Fatima I Cameraman: Justinho Mendonca