Eleisaun Suku 2023, Suku 18 iha Munisipiu Dili Realiza Eleisaun Ronde Daruak

DILI, www.news-viptv.com – Governu Timor-Leste realiza tan elisaun suku ronde daruak iha suku sira ne’ebe nia rezultadu iha eleisaun 28 Outubru foin lais ne’e laiha kandidatu ida maka  manan maioria absuluta.

Suku Bairo Pite, Postu Administrativu Dom Aleixo, Munisipiu Dili, Komunidade iha suku refere tenki fila hikas ba sentru votasaun hodi hili dala ida tan ba kandidatu nain rua ne’ebe avansa ba ronde daruak. Kandidatu rua ne’e maka Joaninha Alves Soares ho Joao Baptista da Costa Belo. Antes ne’e iha eleisaun dahuluk iha kandidatu hamutuk nain 5, maibe nain rua ne’ebe hetan votos barak liu maka hakat ba ronde daruak.

Francisco da Costa no Hermelindo Mascarenhas espera xefi suku ne’ebe eleitu bele tau matan ba joventude sira nia prokupasaun no bele dezemvolve suku diak liu tan durante nia mandate foun.

Iha Munisipiu Dili, alende Suku Bairo Pite, iha mos suku 17 seluk ne’ebe tenki halo tan eleisaun ba ronde daruak. Suku hirak ne’e maka Mascarenhas, Colmera, Akadiruhun, Lahane Oriental, Bemori, Bidau Lecidere, Bidau Santana, Becora, Cameaa, Balibar, Metiaut, Hera, Wenunuk, Sabuli, Comor no Fatuhada.

Entertantu Suku Motael, Caicoli, Lahane Osidental, Vila Verde, Santa Cruz, Gricenfor, Kuluhun no Kampu Alor, kandidatu sira manan maioria kedan iha eleisaun dahuluk.