Egidio de Jesus Hetan Duni hosi Kongresu Partidu Frenti Mudanca

DILI, www.news-viptv.com – Kongresista sira ne’ebe partisipa iha Kongressu Nasional Partidu Frenti Mudança (P-FM) duni sai Egidio de Jesus ne’ebe durante ne’e hetan ona expulsa hosi kargu prezidenti interinu.

Asaun uza forsa hodi duni Egidio de Jesus halo tamba maski Egidio sei konsidera nia an nudar prezidenti interinu no konsidera kongressu ne’ebe halo ne’e kontra estatutu partidu nian no illegal.

KO Prezidenti P-FM, Abel Larisina esplika, Egidio de Jesus desde 18-19 Dezembru 2021 la asumi ona kargu prezidenti interinu partidu, inklui partidu mos halo ona expulse ba nia kargu vise prezidenti.

Partidu Frenti Mudanca realiza kongressu hodi hili estrutura foun partidu nian hafoin Jose Luis Guterres ne’ebe asumi kargu nudar prezidenti rezigna an hosi nia kargu.

Hola prezensa iha kongressu ne’e Prezidenti Comisoens Nacional das Eleisoes, Jose Belo, Prezidenti Partidu democratico Mariano Assanami Sabino, Sekretaraiu jeral Partidu CNRT, Francisco Kalbuadi Lay no lideransa hosi partidu seluk.

Kongressu nasional Partidu Frenti Mudansa realiza durante loron tolu hahu ohin no sei remata iha domingu (29/5/2022).

Reportagem: Leonito de Fatima