DILI, www.news-viptv.com – Politikus feto India, Draupadi Murmu eleitu nu´udar Prezidenti foun India hafoin manan iha eleisaun prezidensial, Kinta (21/7/2022).
Ho nia vitoria ba prezidenti republika, Draupadi Murmu sei assumi kargu numeru ida iha India ne´e to´o 2027.
Draupadi Murmu eleitu nu´udar prezidenti rai nain dahuluk India no fetu daruak ne´ebe assumi kargu Prezidenti. Feto dahuluk India ne´ebe assumi kargu Prezidenti maka Pratibha Patil iha período 2007-2012.
Draupadi Murmu eleitu hamutuk ho nia vise prezidenti Venkaiah Naidu ne´ebe antes assumi mos kargu hanesan hamutuk Prezidenti Ram Nath Kovind desde 2017.
Feto ho tinan 64 ne´e moris hosi rasa Santhal iha Odisha, 20 Junu 1958. Nu´udar alumni siensia arte iha Rama Devi Women’s College.
Draupadi Murmu kaben ho Shyam Charan Murmu, bankeiru ida, ne´ebe husik ona mundu iha tinan 2014. Sira nain 2 iha oan mane nain rua ne´ebe mate ona no feto ida.
Hahu nia kareira nudar mestra antes tama mundu politika. Nia servisu nudar assistenti professora iha Shri Aurobindo Integral Education and Research Institute, Rairangpur no assitenti junior iha departementu Irugasaun Governu Odisha.
Hamutuk ho Partidu Bharatiya Janata iha 1997 no dala rua mos eleitu nudar membro parlamentu iha tinan 2000 no 2009.
Iha 2015, Draupadi Murmu hili nia nu´udar governadora feto dahuluk iha estadu Jharkhand Leste to´o Jullu 2021.
Parte balun hare´e eleisaun prezidensial Darupadi Murmu nu´udar vitoria hosi asipirasaun politika rasa nian no sai momentum foun ba komunidade sira ne´ebe abandonadu no exploitada hosi governante hirak antes ne´e.