Domin Povu Mak Lori Lere Kandidata ba PR

AINARO, www.news-viptv.com – Kandidatu prezidenti republika, Lere Anan Timur esklarese katak, domin hosi povu ba nia maka lori jeneral fitun 3 ne’e husik nia vida militar hodi fali ba vida politiku atu hadia povu nia susar no terus.  

Nudar mos komandante da luta ne’ebe hetan salvasaun hosi komunidade Ainaro wainhira hasoru perigu ba nia vida moris, kandidatu ho esperensia militar tinan 40 resin ba rai Timor-Leste ne’e promesa sei tau matan ba povu Munisipiu Ainaro wainhira eleitu ba prezidenti republika hodi servisu hamutuk ho governu halo dezemvolvimentu iha Ainaro.

Marka diferensa kontinua sai lema ba nia kandidatura atu halo istoria foun nudar xefi estadu hodi lidera nasaun ne’e tuir ordem konstituisaun ne’ebe sai lei inan ba Timor-Leste iha prosesu dezemvolvimentu no konstrusaun estadu.

Reportagem: Leonito de Fatima