Dezenvolvimentu Industria Masin Sai Prioridade MKI ba Orsamentu Adisional 2026

DILI, www.news-viptv.com  –  Ministeriu Komersiu Industria (MKI) iha aprezentasaun tetu Orsamentu Jeral Estadu (OJE) 2026 kontinua husu ba Komisaun Revisaun Orsamentu (KRO) hodi konsidera orsamentu ba item kapital dezenvolvimentu iha desenvolvimentu industria masin nian.

Hafoin aprezentasaun, Ministru Komersiu no Industria, Nino Pereira hateten orsamentu ba kapital desenvolvimentu foku ba iha dezenvolvimentu Industria masin. Tanba, industria masin nee presiza tebes, tanba koalia kona ba rede negosiu sei nakloke, merkadu nakloke investimentu nakloke iha oportunidade barak Ita bele aproveita liu-liu mak setor privadu sira.

Tanba ne’e dalan nakloke  oportunidade barak sei mai  oinsa matenek nebee iha bele aproveita negosiu neebe iha bele dezenvolve Ita nia ekonomia liu-liu kresementu ekonomiku.

Iha nia tetu orsamentu, MKI hetan miliaun US$ 4.9, ne’ebe husi orsamentu refere, ba kategoria salariu e vensimentu la sufisiente.

“Selu deit ba Ita ninia funsionariu sira permanente iha MKI por volta ema nain 208, kazuais ne’e nain 403  hamutuk 611. Tamba ne’e, orsamentu US$ 900 mil ne’e atu kobre deit ba iha salariu baziku la inklui dezimu terseriu, la inklui subsidiu nomos salariu reprezentasaun, tanba iha Ministriu mos responsavel iha Munisipiu inklui mos reprezentasaun iha rai liur,” dehan Ministru Nino Pereira, Tersa (12/8/2025).

Tamba ne’e, iha orsamentu addisional nian, MKI propoin miliaun US$ 3.4

Reuniaun KRO, ne’e Prezide direita husi, Primeiru-Ministru (PM), Kay Rala Xanana Gusmao, no prezensa husi Vise-Primeiru-Ministru, no Ministru Koordenador Asuntu Ekonomikos Fransisco Kalbuadi Lay,  Vise-Primeiru-Ministru, Ministru Koordenador Asuntu Sosias no Ministru Dezemvolvimentu Rural no Abitasaun Komunitaria, Mariano Assanami Sabino, Ministra Finansas Santina Jose Rodriguez Viegas Cardozo, Inklui Membru Governu sira hotu.