COVID-19 I Relata Mate tan 1, Kazu Ativu Hela Nain 73

DILI, www.news-viptv.com – Timor-Leste relata hikas kazu mate nain 1 tamba COVID-19, hafoin halo tratamentu iha Sala Isolamentu Ospital Lahane.

Kordenadór Forsa-Task ba Prevenaun no Mitigasaun Surtu Covid-19 iha Timor-Leste, Dr. Rui Maria of Araújo liu hosi komunikadu imprensa esplika, kazu mate ne’e maka mane ida ho idade 31, hela iha Covalima.

Pasiente ne’e mos identifikadu vasina la kompletu, iha 13 outubru 2021, hetan diagnostikadu syndroma acute respiratory (SIRA) tanba COVID-19.

“Iha loron ne ‘e kedas hala’o tratamentu iha Lahane. Horikalan is-kotu,” informa Dr. Rui Araujo.

Ho kazu mate ne’e, Timor-Leste rejista ona ema 120 maka mate tamba COVID-19 hosi total 19.730 ne’ebe konfirmadu no ema nain 73 maka ativu hela COVID-19.

Ba 19 Outubru, SIJK mos relata kazu konfirmadu foun hamutuk ema nain 5 no 29 maka rekoperadu.

Timor-Leste relata ikus mate tamba COVID-19 iha 5 Outubru 2021.