Australia ho Timor-Leste Haforte Relasaun Bilateral iha Area Defeza

SIDNEY, www.news-viptv.com Komitmentu Australia hodi kontinua apoia Timor-Leste ba kapasitasaun iha área defesa, prova ida liu hosi relasaun bilateral entre nasaun rua ne´ebe kontinua forte.

Iha âmbito Konferensia nível Xefi Estadu Maior Jeneral iha Indo-Pasifiku nian ne´ebe hola prezensa mos Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek aproveita tempu hodi halo mos inkontru bilateral ho Xefe Estadu Maior Jenerál Forsas Armadas Austrália Jenerál Angus J. Campbell, iha Shangri-La Hotel, Sydney, Segunda (25/7/2022).

“Objetivu hosi enkontru ne’e oinsá atu hametin liutan kooperasaun Tekniku Militár entre Forsas Armadas Nasaun rua iha futuru oin mai, Austrália prontu nafatin apoiu membru FALINTIL-Forsa Defeza Timor-Leste (F-FDTL) iha kapasitasaun ba Militár F-FDTL ne’ebé maka F-FDTL persija,” hakerek komunikadu ne´ebe publika iha pajina offisial F-FDTL iha media sosial ida.

Timor-Leste ho Australia halo relasaun bilateral paska referedum neébe Australia maka lidera forsas INTERFET hodi estabiliza situasaun segurança tempu ne´eba. Hafoin restaura nia independensia Australia mos involve iha formasaun F-FDTL no ohin loron kontinua fo assistensia militar ba kapasitasaun oioin ba membro F-FDTL sira.