banner 1000x250

Atende ho Diak, SRSN Ermera Persiza Fatin Luan

  • Share
Populasaun Ermera iha prosesu halo dokumentu iha SRSN Munisipiu Ermera. Foto: Lucitania Barreto / VIP TV
banner 728x90

GLENO, www.news-viptv.com – Atu fo atendementu diak ba populasaun, Servisu Rejisto Sivil no Notariadu (SRSN) Munisipiu Ermera persiza tan fatin luan, liliu ba fatin hein nian ba sira ne’ebe trata dokumentu.

Konservadora Notarias Município Ermera Dra. Rozinda Araújo Tilman hateten iha atendementu publiku sira hasoru preokupasaun ba fatin tamba fatin ne’ebe sira halo servisu dala ruma nakonu ho ema ne’ebe halo dokumentu, sa tan iha tempu udan.

banner 1000x250
Konservadora Notarias Município Ermera Dra. Rozinda Araújo Tilman. Foto: Pedro Correia / VIP TV

“Fatin mak ladun sufsiente baa mi tamba liu hosi odamatan bo’ot deit. Tamba wainhira populasaun mai halo dokumentu iha tempu udan, entaun hot-hotu tenki tama iha eskritoriu laran, ne’e importante los ba ami,” dehan Dra. Rozinda Tilman ba VIP TV, foin lais ne’e iha Gleno, Dili.

Atu hafasil atendementu, nia sujere ba governu sentral atu fornese makina bolu, tamba sistema ne’ebe halao ne’e manual no difikulta sira hodi bolu ema sira, liliu ba ferik-katuas sira kadavez ladun rona.

Ba atendementu dokumentu, nia esplika, sira fo prioridade liu ba terseira idade sira ne’ebe halo sira nia dokumentu.

“Ami nia atendimento ne’e tau atensaun liu ba ferik no katuas sira tamba dalaruma sira mai trata dokumentos sertidaun moris nian entaun ami haruka kedas sira halo ho bileti identidade dala ida atu nune’e sira labele gasta tempu,” nia hateten.

Konservadora ne’e mos informa katak stok blanko BI iha sira nia fatin mamuk hela, maibe produsaun BI kontinua halao ho suratahan baibain.

Diretor SRSN Munisipal, Eligio Bardono de Fatima Madeira. Foto: Lucitania Barreto / VIP TV

Kona ba passporte, Diretor SRSN Munisipal, Eligio Bardono de Fatima Madeira sira atende ho normal.

“Pasaporte iha ne’e atende deit ho osan US$ 50 no US$ 75, maibe sidadaun sira ba foti rasik iha Dili. Enkuantu sira ne’ebe hakarak trata ho urjenti US$ 100 nian tenke ba halo iha Ministerio Justiça Dili tamba ne’e ordem husi nasional,” hateten Eligio.

Nia mos informa, atendementu publiku kada loron simu deit ema 100, inklui ona ba sira ne’ebe halo passport, BI no sertidaun moris.

  • Share

Leave a Reply

Your email address will not be published. Required fields are marked *

error: Content is protected !!