ASDT fo Votos Konfiansa ba Ramos Horta Nudar PR

DILI, www.news-viptv.com – Partidu istoriku Associação Social Democrata de Timor (ASDT) deklara sira sei fo votos konfiansa ba kandidatur Prezidenti Republika (PR), Dr. Jose Manuel Ramos Horta iha eleisaun prezidensial 19 Marsu 2022.

Deklarasaun ne’e hato’o hosi Prezidenti ASDT, Guido Guterres Abel iha konferensia imprensa, Domingu (6/2/2022), iha Sede Nasional ekipa susesu kandidatura Ramos Horta, Osindo, Dili.

Abel esplika, atu bele halao dezenvolvimentu nasional nebe sustentavel iha Timor-Leste, Timoroan sira presiza persiza kria estabilidade, paz, integridade harmonia no unidade entre Timoran sira hotu nune’e ASDT fo fiar ba DR. Jose Manuel Ramos Horta nudar diplomata no premiadu nobel da paz eleitu ba PR 2022-2027

“ASDT ho laran metin katak Ramos Horta mak bele hametin estabilidade paz no harmonia no unidade iha ita nia rai TL. ASDT ho komitmentu tomak hodi apoiu ba Ramos Horta ba eleisaun prezidensial tamba Horta nudar diplomata ne’ebe bele hadia krizi tuir konstituisaun RDTL haruka,” deklara Guido Guterres Abel.

ASDT husu mos ba Ramos Horta wainhira eleitu ba PR atu rona ema hotu no partidu hotu hodi labele halis ba fali partidu ou lideransa ida.