APC Sei Investiga Insendiu Armazem Patrimoniu Estadu

DILI, www.news-viptv.com – Autoridade Protesaun Sivil sei halo investigasaun ba insendiu armazém Patrimoniu Estadu ne´ebe akontese iha Tersa loron sia liu ba tuku sanulu resin ida kalan iha Tasi Tolu.

Iha akontesementu ne´e, Presidenti Autoridade Protesaun Sivil, Superintedente Polisia Ismael da Costa Babo informa, wainhira akontese insendiu ne´e, Autoridade Protesaun Sivil liu hosi Servisu Bombeiros Dili konsege hamate ahi no la fo impaktu ba uma komunidade sira nian.

“Protesaun sivil liuliu diresaun husi Bombeiros responde imediatu no tulun hosi ita nia populasaun sira ita konsege kombate no hamate ahi,” informa Ismael Babo ba jornalista sira, Kuarta (10/8/2022), iha edifisiu APC, Kaikoli Dili.

Manuel da Silva nudar segurança iha armazém ne´e, wainhira akontese insendiu, nia labele halo buat ida tambá hare´e ahi derpente bo´ot.