banner 1000x250

APC Relata Uma 37 hetan estragus tamba Anin Bo’ot

  • Share
Diretor GREC-APC, Anacleto Caetano
banner 728x90

Dili, www.news-viptv.com – Anin bo’ot ne’ebe akontese durante periodu 10 to’o 16 Outubru 2023 iha munisipiu 8 halo komunidade nia uma hamutuk 37 hetan estragus.

Diretor Relasaun Externa no Komunikasaun, Anacleto Caetano esplika Autoridade Protesaun Sivil (APC) rejista uma 37 ne’ebe hetan estragus barak liu iha Munisipiu Baucau iha uma 20, Munisipiu Likisa (uma 6), Munisipiu Lautem (uma 3, no ema kanek nain 3), RAEOA (uma 3), Munisipiu Bononaro (uma 2), Munisipiu Aileu (uma 1), Munisipiu Covalima (uma 1), no Municipiu Ermera (Anin Sobu Uma 1).

Alende rejista uma komunidade ne’ebe hetan estragus tamba anin bo’ot, APC mos relata iha uma hitu (7) maka mutuk tamba ahi-han ne’ebe akontese iha Munisipiu Viqueque (uma 4),

Munisipiu Manatuto (Uma 1), Munisipiu Manufahi (uma 1), no Munisipiu Atauro (uma 1).

“Ba komunidade nian uma ne’ebe hetan estragus ne’e, Komando APC Munisipiu sira servisu hamutuk ho parseirus relevante sira fornese ona asisténsia emerjénsia ba família afetadus sira hanesan Ai-han no laos Ai-han (food item & Non-food Item),” dehan Anacleto Caetano, Segunda (16/10/2023), iha edifisiu APC Caicoli, Dili.

Nia esplika tan, enkuantu ba familia sira ne’ebe seidauk hetan apoio, Komando Operasional APC Munisipiu sira sei kontinua halo hela levantamentu detaillus kona-ba sasan ne’ebe estragus no lakon hodi sira mos bele hetan hotu apoio.

“Alerta nafatin ba populasaun sira atu kuidadu an nafatin no hado’ok an husi fatin sira ne’ebe fasil atu hetan dezastre naturais,” nia dehan.

  • Share

Leave a Reply

Your email address will not be published. Required fields are marked *

error: Content is protected !!