banner 1000x250

APC Rejista Xefi Familias 12 Sofre Tamba Anin Bo’ot no Insendiu

  • Share
Diretor GREC-APC, Anacleto Caetano.
banner 728x90

DILI, www.news-viptv.com – Autoridade Protesaun Sivil (APC) durante periodu 14 to’o 20 Novembru 2023 rejista uma Estragus hamutuk Xefi Famílias 12 maka sofre tamba sira nia uma hetan sobu hosi anin bo’ot no insendiu (ahi han uma).

Diretor Gabinete Relasaun Externa no Komunikasaun APC, Anacleto Caetano iha konferensia imprensa informa, hosi xefi familias nain 14 ne’e, ahi han uma iha 4, Anin Sobu iha Uma 8 no uma rua seluk tamba hetan estragus tamba udan bo’ot.

Offisial APC observa hela uma komunidade nian ne’ebe ahi han. Foto: Media APC

“Hahu husi loron 14 to’o ohin loron, akontese iha munisipiu Dili, Ermera, Liquica, Manatutu, Manufahi, no Viqueque,” dehan Anacleto Caetano, Segunda (20/11/2023), iha Edifisiu APC Kaikoli, Dili.

Hosi munisipiu refere, APC relata Munisipiu Manatutu iha uma 1 ne’ebe Anin Sobu, Liquisa (Ahi han 1, Anin sobu Uma 4), Munisipiu Manufahi (Anin sobu uma 1), Municipiu Dili (Ahi Han Uma 2, udan no anin bo’ot Estragus Kareta 2), Munisipiu Manatutu (Anin Sobu Uma 1), Municipiu Ermera (Anin Sobu Uma Estragus Uma 2), no Munisipiu Viqueque (Ahi han Uma 1).

Kareta rua ne’ebe hetan estragus tamba ai monu iha area Bairo Formoza ne’ebe akontese iha 14 Novembru 2023.

Iha akonetesementu ne’ebe akontese durante periodu refere (14-20 Novembru, red) APC la rejista vitima.

Alende ne’e nia mos informa, Korpo Bombeiros iha Munisipiu Manufahi konsege hamate insendiu iha munissipiu refere ne’ebe akontese iha 11-16 Novembru, inklui Korpo Bombeiros kontinua fornese be’e mos ba komunidade sira tamba bailoron naruk, maski iha munisipiu balun udan tuun ona.

Ho dadus semana kotuk ne’e, APC desde Janieiru to’o ohin loron rejista ona 2,695 ho tipu dezastre 7 hanesan anin sobu ho kazu 969, ahi han uma (263), rai halai (563), konflitu sosial (31), inundasaun (747), rai nakdoko (1), laloran tasi (2) no lakon vida (61).

“Hosi Janieiru to’o mai iha ne’e ema kanek iha 20 no lakon ema nain 30,” informa Anacleto.

  • Share

Leave a Reply

Your email address will not be published. Required fields are marked *

error: Content is protected !!