Aida Belo Sei Halo Audisi Model ba Nia Video Klip Musika Foun

DILI, www.news-viptv.com – Artista famouzu Timor-Leste, Aida Belo iha produsaun nia musika foun sei halo audisi ba model video klip.

Aida Belo wainhira halo video klip ba nia musika heroi da patria ho VIP TV. Photo: VIPTV/Leonito de Fatima

“Agora hau prepara hela hau nia musika foun neébe prontu ona, no iha produsaun musika neé ba vídeo klip hau sei halo audisi ba model sira neébe hau sei involve iha vídeo klip,” dehan Aida Belo ba VIP TV, Kinta (14/7/2022) iha Studio VIP TV, Kakaulidun, Dili.

Iha audisi vídeo klip dahuluk nia sei hili uluk model sira neébe sei involve iha musika ho titulu nem por um momento.

“Nem por um momento neé musika neébe hau halo ho lian Portugues, musika domin ida neébe halo tambá request hosi Embaixadora musika de la paz mundial, Suzana Moya neébe motiva hau hodi husu halo musika ho lian Portugues,” dehan Aida Belo.

Iha produsaun vídeo klip neé kantor musika Istoria Domin neé sei kontinua ho Casa Produsaun VIP TV no prosesu seleksaun audisi ba model sira sei halo hotu iha Studio VIP TV.

Aida Belo wainhira grava nia musika iha Studio Babadok.

“Hau sei kontinua ho hau nia parseiru VIP TV, neébe komprende ho hau nia hakarak ba produsaun vídeo klip, alende sira produz ho kualidade vídeo neébe high definision, crew sira mesak ema neébe kreativu no ajuda los hau iha produsaun vidoe klip ba musika antes hirak neébe hau produs ona,” esplika Aida Belo.

Alende kontinua ho VIP TV iha nia produsaun ba vídeo klip, Aida Belo agradese mos ba VIP TV neébe sei oferese nia studio hodi halo audisi ba model vídeo klip.

“Atu hateten mos katak musika nem por um momento hetan apoia hosi hau nia sponsor Gil dos Santos, kantor Timoroan iha

Australia neébe durante neé mos apoia hau nia musika sira iha álbum herói da pátria, Cipriano Madeira no Dionisio Babo, sira neé maka suporta hau durante neé, inklui musika foun sira neébe hau halo ona tuir mai neé sei halai liu ba musika domin fali,” dehan Aida Belo ho hamnasa kontenti hafoin finaliza ona nia álbum herói da pátria.

Ba audisi model vídeo klip nem por um momento sei anuncia iha tempu besik kona ba kriteria saída deit maka persiza ba model vídeo klip sira.