Lakon Husi Portugal, Timor-Leste Failla Sai Terseiru Lugar

DILI, www.news-viptv.com – Selesaun futebol Timor-Leste ne’ebe iha oportunidade hetan medalla osan metan labele realiza nia mehi tamba iha nia jogu final hasoru Portugal lakon 4-1, hafoin joga empata 1-1 iha tempu normal nian, Sabadu (26/7/2025), iha Estadiu Munisipal Dili.

Joga iha dadersan tuku 8, Timor-Leste konsege hatama golu uluk iha minutu 60 liu husi golu Manuel Reinaldo ne’ebe livre husi jogador defeza Portugal no ho kalma tebe bola tam aba baliza Portugal.

Golu Timor-Leste ne’e la dura naruk, tamba iha minutu 64 Portugal konsege muda skoru sai empata 1-1, hafoin jogador defeza Timor-Leste hatama bola ba baliza rasik (own goal).

Skoru 1-1 la muda no ekipa rua tenki desidi liu husi suta penaltu, ne’ebe iha penaltu nian, Timor-Leste lakon 1-4.

Jogu futebol sei hela final entre Angola kontra Cabo Verde, ne’ebe iha jogu dahuluk, Angola konsege manan Cabo Verde 2-0.