Papa Francisco Hakotu I'is

VATIKANU, www.news-viptv.com — Lider igreja Katolika mundial, Papa Francisco hakotu ona i’is iha Segunda dader (21/4/2025) iha tuku 7.35 Oras Vatikanu.

Papa Francisco fo bensaun ba sarani sira hafoin misa santidade iha Tasi Tolu, Tersa (10/9/2024). Photo: VIPhoto/Evangelisto Santos Meilana

Notisias kona ba Papa Francisco Nia mate ne’e anunsia husi kardeál Kevin Ferrell, camerlengo Vatikanu nian.

Publikasaun Papa Francisco Nia mate nebe publika husi Vaticano News.

“Iha tuku 7:35 ohin dadeer, Papa Francisco, fila fali ba Aman nia uma. Nia moris tomak dedika ba servisu Na’i nian no ba nia Igreja,” Farrell hateten iha anúnsiu.

“Nia hanorin ita atu moris valór sira Evanjellu nian ho laran-metin, aten-barani, no domin universál, liuliu ba sira ne’ebé kiak no marjinalizadu liu. “Ho gratidaun boot ba nia ezemplu nu’udar dixípulu loloos Na’i Jezús nian, ami elojia Papa Francisco nia klamar ba domin infinitu, mizerikórdia Maromak nian, Ida de’it no Tribune.”

Notisias ne’e soke tebes Timoroan Sira ne’ebe iha memoria furak iha Setembru 2024 wainhira Papa Francisco vizita Dili, Timor-Leste.

“Triste los rona notisias ne’e, Ami hadomi Papa Francisco,” dehan Marcelo Pereira.