Hafasil Deklarasaun Rendementu no Bem Interese, TR Lansa Formulariu Online

DILI, www.news-viptv.com – Atu hafasil deklarasaun Rendimentu no Bem Interese, Prezidenti Tribunal Rekursu, Deolindo dos Santos lansa ona formulariu digital hodi fo oportunidade sira ba prezidenti republika, primeiru ministru, prezidenti Parlamentu Nasional, inklui deputadu,membru governu no Komisaun Anti Korupsaun atu presta deklarasaun kona-bá rikusoin iha TR bazeia ba lei no 7/2020, 26 de Agostu kona-bá Medida Prevensaun no Kombate Korrupsaun.

Iha lansamentu, Deolindo dos Santos esplika, maski formulariu ne’e halo ho Sistema online, so sira ne’ebe presta deklarasaun maka sei hetan assesu no bele asesu hikas kona ba informasaun ne’ebe deklarante refere priense ona .

Iha formulariu ne’e, ema hirak ne’ebe iha obrigasaun hodi hatoo sira nia riku soin, persiza priense dadus ne’ebe iha, inklui sira nian propiu no ema sira nebe durante ne;e dependensia moris hosi deklarante, hahu hosi fen, oan no ema sira ne’ebe nia sustenta.

Ba deklarante sira, Tribunal rekursu fo prazu loron 30 hodi presta deklarasaun no liu loron ne’ene determina sei aplika konsikuensia legal tuir lei ne’ebe iha.

Violante Guterres / Leonito de Fatima VIP TV