62.09% Eleitor Lakohi Lu-Olo Re-eleitu no Hili Ramos Horta ba Prezidenti Republika

DILI, www.news-viptv.com – 62.09 % votos hosi total 397.145 eleitor Timor-Leste ne’ebe fo nia votos iha eleisaun prezidensial 19 Abril 2022, lakohi atual Prezidenti Republika Francisco Guterres Lu-olo re-eleitu ba xefi estadu.

62.09 % ne’ebe povu hili liu Jose ramos Horta hodi eleitu ba Prezidenti Republika foun Timor-Leste ba periodu 2022-2027.

Iha rezultadu final ne’ebe STAE finaliza ona Lu-Olo maski hetan apoiu hosi partidu koligasaun governu nian hanesan FRETULIN, PLP no KHUNTO hetan deit votos 242.440 ho nia porsentazem 37.91 %.

Hosi apuramentu nasional, munisipiu 3 ne’ebe durante ne’e sai baze ba Lu-Olo tamba FRETILIN, Munisipiu Lautem ikus desidi hili liu Ramos Horta no hela deit Baucau ho Viqueque maka mantein nia votos ba Lu-Olo. Entertantu Munisipiu 10 no RAEOA maioria hili Ramos Horta hotu.

Ba Ramos Horta ne’e kargu ba daruak ninian ba prezidenti republic ne’ebe iha period dahuluk nian nia asumi iha tinna 2007-2012.

Desde restaura nia proklamasaun independensia iha 20 Maiu 2002, Timor-Leste hili ona nia Prezidenti Republika nain 4 seluk hanesan Xanana Gusmao (2002-2007), Taur Matan Ruak 2012-2017 no Francisco Guterres 2017-2022.