Xanana Konsidera OJE 2023 Wow Demais

DILI, www.news-viptv-com – Eis Prezidneti Republika no Primeiru Ministru Kay Rala Xanana Gusmao konsidera Orsamentu Jeral Estadu tinan 2023 ne´bee governu husu ho montante biliaun 3.16 boot demais.

Laos deit boot demais, ho eleisaun jeral ne´ebe hela det fulan hira, orsamentu ne´e la merese ba governu ida ne´ebe nia mandatu besik remata.

Relasiona ho Orsamentu jeral estadu nian, Xanana mos kontinua kestiona Fundus COVID ne´ebe toó ohin loron laiha relatoriu no la hatene nia ezekusaun too iha nebe ona.

Iha OJE 2022, Governu mos iha osan ho montante biliaun 3.2 resin ne´ebe tuir publikasaun portal transparensia iha nia ezekusaun foin atinji deit porsentu 39.

Komentariu ba ezekusaun OJE ne´ebe la konsege ezekuta, Primeiru Ministru Taur Matan Ruak deklara ba orsamentu ne´ebe la konege ezekuta tenki fila fali ba kofre estadu.