Vitima Desastre Naturais Luro Simu Apoia Umanitaria hosi SEPS

LURO, www.news.viptv.com – Sekretaria Estadu Protesaun Sivil liu hosi ekipa servisu protesaun sivil Munisipiu Lautem fo apoia umanitaria ba komunidade suku 6 hosi Postu Administrativu Luro nian.

Konsentra iha Aldeia Amaira, Suku Luro iha Kinta (28//4/2022) sasan ne’ebe entrega hamutuk ba iha uma kain nain 54.

Koordenador Diresaun Nasional Jestaun Risku Dezastre Munisipiu Lautem, Mateus da Costa esplika vitma sira ne’ebe hetan apoia ne’e tamba sira nia uma hetan estragu hosi anin bo’ot ne’ebe akontese iha tinan kotuk no fulan hirak liu ba.

Administrador Postu Luro, Tomas da Costa Cabral agradese los ho governu sentra ne’ebe distribui ona apoia umanitaria ba nia komunidade ne’ebe sai vitima ba desastre naturais anin bo’ot.

Francisca de Jesus Lopes ho David Marito sente kontenu bele simu apoia umanitaria hosi Sekretaria Estadu Protesaun Sivil no apoia ne’e senti hakaman sira nia moris.

Hosi Luro, Munisipiu Lautem, Mateus da Costa VIP TV