Visita Melissa Brown, Hametin Relasaun Seguransa TL-EUA

DILI, www.news-viptv.com – Ministériu Negósiu Estranjeiru Estadu Unidos Amerika nia Adjunta Asistente Sekretária Melissa Brown, ne’ebé lidera Gabinete Asuntu Sudeste Aziátiku no Gabinete Asuntu Maritima Sudeste Aziátiaku hasoru Prezidenti Republika, Jose Ramos-Horta, Segunda (11/2/2024), iha Palasiu Presidensial Dili.

Durante reuniaun ho Prezidente Ramos-Horta, nia espresa gratidaun no rekoñese EUA nia kontribuisaun, sita kona-ba apoia ba Timor-Leste nia adezaun ba ASEAN, Millaun US$484 ba Millennium Challenge Corporation compact, no hametin relasaun seguransa entre nasaun rua ne’e.

Melissa Brown iha nia vizita loron tolu mai Timor-Leste, alende hasoru malu ho xefi estadu, hasoru malu mos ho Primeiru Ministru Xanan Gusmao, Ministru Negósiu Estranjeiru no Kooperasaun Bendito Freitas, no Vise Ministra ba Asuntu ASEAN Milena Rangel.

Melisa Brown hato’o kongratula lori Estadus Unidus Amérika nia naran ba Timor-Leste ba susesu adezaun ba Organizasaun Mundiál ba Komérsiu foin dadauk ne’e. Durante reuniaun sira ne’e, nia enfatiza kona-ba EUA kontinuasaun ba apoia Timor-Leste ba adezaun ASEAN, hametin liután relasaun bilateral, no esplora dalan foun ba kolaborasaun.