Dili, www.news-viptv.com – Primeiru Ministru (PM) Kay Rala Xanana Gusmão hili deputada Bankada CNRT, Veneranda Eurico Marques Lemos Martins nu’udar Prezidenti Autoridade Munisipiu Baucau.
Nomeasaun Veneranda Lemos ne’e liu hosi Despacho N.° 05 / GPM/I/2024 Nomeação do Presidente da Autoridade Municipal de Baucau loron 9 Janieru 2024 no publika ona iha Jornal da Republica, iha edisaun numeru extraordinariu, Serie II, N.o 1 E, Quarta-Feira 10 de Janeiro de 2024.
“Considerando que o Ministro da Administração Estatal, por carta com a ref.ª 12/M-MAE/I/2024, de 09 de Janeiro de 2024, propôs a Senhora Veneranda Eurico Marques Lemos Martins, para ocupar o cargo de Presidente da Autoridade Municipal de Baucau,” hakerek despaisu PM refere.
Antes sai deputada, Veneranda Lemos mos iha ona esperensia nu’udar Sekretaria Estadu iha V no VI Governu Konstitusional.
“Assim, pelo exposto, o Primeiro-Ministro decide: 1. Nomear, com efeitos imediatos, nos termos do n.º 1 e do artigo 21.º do Decreto-Lei n.º 3/2016, de 16 de março, com a redação do Decreto-lei n.º 84/2023, de 23 de novembro, a Senhora Veneranda Eurico Marques Lemos Martins, para desempenhar o cargo e as funções de Presidente da Autoridade Municipal de Baucau, a contar da data da respetiva tomada de posse, nos termos legais,” hakerek despaisu refere hodi bele halo ona tomada posse.
Despacho N.° 04 / GPM/I/2024 nomea mos João Bosco dos Santos, ho esperensia Diretor Nacional iha Ministério das Finanças hosi asumi kargu nu’udar Prezidenti Autoridade Munisipiu Aileu.
No Despacho N.°06/ GPM/I/2024 nomea José Martinho dos Santos Soares hodi asumi hikas kargu ne’ebe uluk nia halao nu’udar Presidente da Autoridade Municipal de Ermera.
Despacho N.° 07 / GPM/I/2024 nomea Paulino Ribeiro ne’ebe asumi Diretor de Recursos Humanos da Presidência da República, entre 2022 e 2023, hodi okupa kargu Prezidenti Autoridade Liquisa.
Antes ne’e, Nomeasaun mos halo on aba Prezidenti Autoridade Munisipiu Ainaro, Manatuto no Manufahi.