UEA Sei Loke Investimentu iha Timor-Leste

DILI, www.news-viptv.com – Governu Timor-Leste agradese ba Governu Emiradu Arabe Unidu (EAU) ne’ebe kontinua nia komitmentu hodi apoia Timor-Leste liu hosi koperasaun iha setor desenvolvimentu ekonomia no komersiu.

Agradesementu governu ne’e hatoo hosi Primeiru Ministru Xanana Gusmão iha nia diskusaun wainhira simu Enviadu Espesiál Emiradu Árabe Unidu (EAU) ba Asuntu Pasifiku, Omar Shehade iha Palacio do Governo, Segunda (25/3/2024) iha nia vizita servisu iha Timor-Leste.

Iha diskusaun ne’e, koalia mos kona ba planu Emiradu Arabe Unido ne’ebe hakarak loke investimentu iha Timor-Leste.

Koperasaun no Relasaun bilateral entre nasaun rua hametin liu tan iha vizita estadu Prezidente Repúblika, José Ramos-Horta ba Dubai hodi hasoru malu ho Prezidente Repúblika Emiradu Arabe Unidu (EUA), Liurai Suia Majestade, Sheikh Mohamed bin Zayed Al Nahyan.

Hafoin simu Esnviadu Espesial Emiradu Arabe Unido, iha loron hanesan, Primeiru MInistru Xanana Gusmão mos simu Konsul Honoráriu Timor-Leste ba Sidade Porto, António Simões Marques Couto hodi aprezenta progresu servisu ne’ebé hala’o durante ne’e.