Treinu Subar, PNTL Dili Kaptura Membru IKS Nain 9 iha Manleuana

DILI, www.news-viptv.com – Komando Polisia Nasional Timor-Leste Munisipiu Dili kaptura membru Arte Marsiais nain 9 husi Organizasaun IKS ne’ebe treinu illegal iha area Manleuana, Postu Administrativu Dom Aleixo.

Membru IKS nain 9 ne’e kaptura husi Komando Eskuadra Dom Aleixo iha 26 Maiu 2024 tamba komete krimi desobedensia tamba governu suspende hela atividade Grupu Arte Marsiais.

Komandante PNTL Munisipiu Dili ne’e mos informa katak parte polisia identifika ona fatin sira ne’ebe grupu Arte Marsiais sira kontinua treinu subar.

Iha konferensia imprensa ne’e, informa mos kazu arma brakas ne’ebe akontese iha Aldeia 4 de Setembru Kampung Baru foin lais ne’e.