Tinan 25 PNTL, Xefi Estadu Louva Servisu PNTL ba Seguransa

DILI, www.news-viptv.com – Prezidenti Republika Jose Ramos Horta kongratula no louva ba servisu Polisia Nasional Timor-Leste (PNTL) durante tinan 25 nia ejistensia.

Xefi estadu iha seminariu ba komemorasaun loron aniversariu PNTL ba dala 25 koalia kona ba oinsa Perspetiva Prezidente Repúblika nian ba ezistensia PNTL ba dala 25’. Hafoin ida ne’e, reprezentante Primeiru Ministru RDTL ne’ebe reprezenta husi Ministru Presidensia Konsellu Ministru Agio Pereira, aprezenta kona-ba ‘Perspetiva Governu nian ba ezistensia PNTL.

Xefi estadu mos husu ba PNTL atu prepara mos membru foun sira liu husi rekrutamentu, hodi troka membru polisia sira ne’ebe tama ba idade reforma, inklui oinsa kontinua misaun PNTL ne’ebe responsabiliza ba area seguransa interna.

Ho tinan 25 ne’ebe bolu tinan osan mutin, Governu husu nafatin PNTL atu desempenha papel ho didiak tuir misaun ne’ebe iha.

Iha planu rekrutamentu membru PNTL, ministru interior ne’e mos enkoraja feto Timoroan sira hodi bele compete iha rekrutamentu nian hodi bele priense balansu ba igualidade jeneru.