Timor-Leste Respeita Politika Externa Foun EUA iha Lideransa Prezidenti Trump

DILI, www.news-viptv.com – Timor-Leste respeita ba politika externa foun Estadu Unidos Amerika (EUA) ho lideransa Prezidenti Donald Trump.

Ho mudansa lideransa foun iha Estadu Unidos Amerika, Prezidenti Republika Jose Ramos Horta iha nia inkontru despedida ho Embaixadora Estadu Unidus Amerika (EUA), Donna Ann Welton ne’ebe sei fila hikas ba nia nasaun, Timor-Leste sei kontinua hametin nia relasaun amizade ho Estadu Unidos Amerikanu.

Iha nia despedida, Embaixadóra Welton hato’o nia agradesementu ba amizade durante halao knar iha Timor-Leste no kooperasaun nasaun rua sei metin nafatin ho embaixador foun ne’ebe sei troka nia.

Razaun nia termina nia mandatu, maski foin mai iha tinan kotuk katak, nia rasik maka hili dalan atu reforma.